موسوعة , المأكولات , الشرقيه

اليوم طرأ على خاطري أن أطرح موضوع جميل
بصراحه قمت بالتحقيق في هذا القسم من آخر صفحة حتى أول صفحة
حتى أتأكد أنه لم يسبقني أحد لطرحه
الموضوع ببساطه أحب أن يكون لمنتدانا العزيزموسوعه للمأكولات من شتى الدول
طبعا أقصد موسوعات من كتابة أيدينا أو منقوله وليست تنزيل لموسوعات طبخ...والكل له مجهود يشكر عليهموسوعة المأكولات الشرقيه
فأتمنى أن نفيد بعضنا بالمأكولات التي تعرفونها من شتى بقاع الارض مع ذكر الدولة
أعتذر للإطالة عليكم/ن
نبدأ بسم الله

موسوعة المأكولات الشرقيه

أولا:موسوعة المأكولات الأندنوسيه,,,دولتي الحبيبة
((قادو قادو))
جزر مقطع قطع صغيره على شكل مستطيل
بطاطس مقطع مكعبات
فاصوليا مقطع شرايح
كروم مقطع شرايح
تسليقها بالبخار

الصوص
تحطي شوية زيت في القدر وحطي فص ثوم مطحون وأول مايبدأ يتحمر تحطي نص كاسة مويه بعدين حطي 4 ملاعق كبيره زبدة الفول السوداني الخشنه وحركي واذا احتاج حطي مويه كمان وحطي ملح وسكر وأجي نو موتو(الملح الصيني) وصوص الصويا الحلوة وملعقه صغيره بصل محمس.
وعند التقديم أفرشي أوراق خس في الصحن وحطي عليها الخضار وفوقه الصوص ..

موسوعة المأكولات الشرقيه

((الساتي))
قطع (ممكن لحم أو بالدجاج) مكعبات صغيره
متبله بـ ملح وفلفل أسود وصوص الصويا وقليل من عصير الأناناس وملعقه زيت
أتركيها في الثلاجه لمدة 6 ساعات أو أكثر
وبعدين رصيها في الأسياخ الخشب وأشويها ((أنا أشويها بشواية العيش))

*يقدم القادو قادو والساتي مع الأرز الأبيض

موسوعة المأكولات الشرقيه

((الدجاج بالصويا والأرز الأحمر))
تغسلين رز وتنقعينه في ماء فاتر
في القدر تحمسين ثوم وبصل الى أن يتحمر وبعدين تضيفين طماطم مضروبه بالخلاط وملعقه صلصة والبهارات(ملح وفلفل أسود وكمون وماجي) وتحطين عليها قطع الدجاج وماء وأتركيها الى أن يبدأ الدجاج بالنضوج بعدين جيبي صينيه وحطي فيها ملعقه زيت وقطع الدجاج وقليل من الكشنه وأضيفي صوص الصويا الحلوة وأدخلي الصينيه الفرن الى أن يتحمر الدجاج
في القدر حطي الرز فوق باقي الكشنه وحطي مويه على قد الرز واتركيه الى أن ينضج

*يقدم الأرز الأحمر مع الدجاج

موسوعة المأكولات الشرقيه

((الفاصوليا بالجمبري والنارجيل))

تحمر شرايح البصل مع الزبده ثم أضيفي الجمبري الصغير والبهارات (ملح وأجي نو موتو وفلفل أبيض مطحون) ثم أضيفي ملعقتين كبيره حليب جوز الهند وماء وشرايح الفاصوليا الخضراء وغطيها الى أن تنضج.

*تقدم مع الأرز الأبيض
سلطة اللوز(الفول السوداني) أو تغميسة الساتيه :


• كأسين لوز نيء
• 2ملعقه صغيره ثوم مطحون ناعم او مو لازم
• 1 بصله متوسطه مطحون ناعم
• 2طماطم متوسطه مطحونه ناعم
• 1ملعقة زيت
• 1مكعب ماجي
• نص كأس ماء
• صلصة الصويا
• زيت لقلي



أولا نسلق اللوز ثم نقشره ومن ثم نتركه شويه حتى ينشف أو ممكن تنشفيه بالمناديل ومن ثم نقليه حتى يأخذ اللون البني ومن نضعه في ورق نشاف ثم نطحنه طحنا نااااااااااااااعما جدا ونتركه على جنب
الآن ضع الزيت ثم التوم ثم البصل ونقلبه حتى يصبح بني اللون وبعدين حطي الطماطم وقلبيها حتى تتسبك وبعدها حطي الماجي وبعدوا حطي اللوز المطحون (امكن ريحته تكون موحلوه بس اصبري وشوفي)
واخلطيها معاها وحطي الماء وقلبيه ممكن تزودي المويه حتى تصيرالصلصه تخينه وبعدين حطى صلصة الصويا ودوقيه (حسب الذوق) وشوفي كده مناسب وبس
تقدم ساخنه او بارده(في التلاجه)
ممكن تحفظ لعدة أيام

موسوعة المأكولات الشرقيه

((الساتيه))

• 4صدور دجاج مقطعه مكعبات
• 3ملاعق توم صغيره
• 2بصل كبير
• 1ملعقه صغيره إبزار مشكل(أو ممكن إبزار الدجاج) مطحون او ممكن نص ماجي
• شوية زيت
• صلصة الصويا

اول شيء حطي شوييييييييييية زيت وبعدين التوم والبصل وكشنيه حتى يصير بني على أصفر وبعدين حطي الدجاج وقلقليه وبعدها حطي مويه حتى يتغطى الدجاج وقبل مايستوي رشي عليه 3ملاعق صلصة الصويا وبسسسسسسسسسسس

موسوعة المأكولات الشرقيه

((دجاج مقلي))

• 1دجاجه مسلوقه مقطعه
• 3ملاعق صغيره توم مطحون
• 3بصلات مطحونه
• ملح
• 1ملعقه صغيره ابزار دجاج مطحون
• 1كأس دقيق
• 1بيضه
• قليل من الماء
• زيت للقلي

أولا نجيب صعن عميق ونضع البيضه ثم البصل ثم التوم ثم الملح والأبزار والدقيق ونخلطه ثم نضع شوية ماء حتى تصبح الخلطه سميكه نوعا ما(مثل المهلبيه) ثم نغمس الدجاج فيها ثم نقليه وبس