طريقتي في تحفيظ ولدي قصار السور من عمر سنتين ونص الى ثلاث

السلام عليكم ورحمة الله وبركاته

كيفكم يالغاليات زمااااان عنكم

غبنا وقلت بعد ه الغيبة نجيب شي مفيد ينفعني وينفعكم ولاتنسوني من صالح الدعاء

تعرفون بنات ايش قيمة القران وتخيلي لما تحفظي ولدك من نعومة اظفاره واجره واجر من علم ليوم القيامة راح يكون لك نفس الشي لوتعلميه اغنيه او حركة مو حلوة اثمه واثم من علم عليك ليوم القيامة لاتستهيني بالامر

وترا الامر في التحفيظ اسهل مما نتخيل
كنت احاول احفظ ولدي القران واحس انو لاهي ومو معي

بس لقيت طريقة حلوة وسهله حفظ بها بشكل تدريجي وانبسطت من النتيجة صراحة

اول حاجة أحمل مقاطع تحفيظ القران من اليوتيوب ع جوالي واحفظها

انتبهي تشغلين اليوتيوب وتخلينه يشوف المقاطع

لا احفظي بالجوال بعدين خليه يناظرها بأي وقت او شغليها وهو يلعب عادي هو يلعب ويحفظ

و كل اسبوع نزلي له مقطع او لما تشوفيه اتقن السورة

ولما تطلعون بالسيارة قولي يالله يابابا نقرا قران بيقول لك لا انا اقرا

ورتلوا سوا

مو دايم اسويها بس بين فترة وفترة بس كل ماتراجعي معاه ترسخ

وعوديه قبل ينام يسمعها كل يوم

وراح يحفظها بسهولة لان مخه فاضي

بالنسبة للمقاطع اسمها في اليوتيوب (المصحف المعلم للاطفال قناة سمسم )