أريد نصائح بخصوص تغذية ووزن ابنتي 0_o

أريد نصائح بخصوص تغذية ووزن ابنتي 0_o
مرحبا يا عسولات كيفكم حبيايب قلبي




المهم اخش في الموضوع على طول واللي شاطره تساعدني


انا عندي بنوته الله يخليها لي ضعيفه وشكلها ناويه تكون عارضه ازياء تعبت وانا اقنع فيها يا بنت الحلال كلي وتربربي بس هي راسها والف سيف انها تبقى نحيفه


هههههه لاتكونو صدقتوا لا بنوتي لسه دخلت 7 شهور ووزنها 7 ونص تقريبا وانولدت 3 ونص كل من شافها لما انولدت حسبوها كيلوين وشويه ام القهر تعذبت في ولادتها ولا بين عليها وزنها هههه


الحين تاكل وما شاء الله مره مره مره مهتمه في تغذيتها شويه واالف كتاب طبخ للنونو من وراها هههه وااكلها كل انواع الاكلات الدسمه اللي تنفع لعمرها ورحت لدكتور واعطاني كم سعرات حراريه وكيف احسبها وكل شي يعني مجتهده على الاخر اذا كنت في اختبار بطلع الاولى على قسمي هههه
الحين بتقولوا وبعدين اخلصي الطيب المشكله بعد هذا كله كل ما اهل زوجي يشوفوها يجولي يا حرام بنتك ضعيفه ومنقهرين عليها وليش كذا طبعا بما معناه اني ما مهتمه فيها
بس والله انقهر والمشكله كل من شافها علق على ضعفها حتى وحده تقولي ياربي بنتك اضعف بيبي شفته في حياتي لا بس جد هذي بغالها قتل فعلا
بنتي ابدا ابدا ما يبين فيها اللي تاكله ولا شي مهما ااكلها لسه عصله وضعيفه واحترت في السبب مع انو وزنها حلو بس صدقوني تبين اقل من وزنها بكثير كل ما اقول للناس ايش ااكلها يعطوني نضره اني كذابه وخاصه ام زوجي مش مصدقه اني اكلها اقولها اعطيها كذا وكذا وكذا وهي بس تعطيني نظره كنها تقول اي هين كثري منها وكله بس يدققون فيها ليش ما حبت للحين وترى كبيره وتاخرت وهي لسه ست شهور وليش ايدها كذا وليش وليش وليش وهات يا محاظرات مع اني بيني وبين نفسي اعرف اني مهتمه في بنتي احسن اهتمام نفسيتي تعبت وانا من النوع اللي لازم ارد وابين انو كلامهم غلط مع انو زوجي يقولي اسمعي من هنا وطلعي من هناك واستمري في اللي تسويه انتي ادرى بس انقهرت وتعبت وكثير ابذل جهد واقرا كتب واتثقف واخرتها اسمع كلام اني ما عارفه اهتم في بنتي اللي عندها نصيحه تقولي من جد محتاجه حد يحس فيني و يعزز ثقتي ومين عيالها مثل بنتي وايش يمتن غير الحلبه لاني مسحيل اطبقها ترى خطره للبيبي على فكره


سااااااااااااااااااااااااااااااااااااااعدوني جتني ام النفسيه

الصحه ياقلبي في الاعضـآء الداخليه وفي العقل والمخ وفي نسب الفيتآمينآت والكآلسيوم في جسسسمهآ
وإنتي الدكتور يقولك كل شي ممتآآآز ..... يعني ماعليك من احد.
وعلى فكره السمنه للاطفآل مهي كووويسه بالممره ممكن تأخره في المشي ..
واذا على الحبو . مو شرط تحبو
بعض الاطفآل بس يزحف على بطنه وبعدين يبدأ يمشي ..
انا ولدي مازحف على طول حبى . وبعدين مشى . الله يحفظه ويستر عليه
الله يخليها لك ويحفظها .. آمين