الدرس الثاني عشر فنون الدمج

نظراً لأن الدرس السابق عقد ناس كثير
حبيت هالمره نعمل درس تكون نتيجته راائعه
وفي نفس الوقت طريقته سهله على الكل
وفي مجال تنويع وابداع للأعضاء باختيار ألوان او حتى اضافات ابداعيــة


الصور المستخدمه :








طريقـــة العمـــل :

- افتح ملف جديد مقاس 600 × 900

- افتح صورة عود الكبريت .. انسخهــا (CTRL +C )
وتعال للملف اللي فتحته والصقها داخله (CTRL + V )
وحطهــا بهالمكان وبهالشكـــــل المائل مثل مافي هالصوره :





- افتح صورة الدخان .. انسخها والصقها على صورة عود الكبريت وحطها بهالمكــان وامسح منها لغاية مايكون شكلها مثل مافي هالصوره :




- الآن بعد ماحطيت الدخان ومسحته بالممحاة الضبابية رقم 70 ... غير صيغة هالدخان من Normal إلى آخر صيغة بالأسفل Luminosity .. مثل مافي هالصوره :




الباقي عاد مايبي له شرح .. بالتأكيد انتم فاهمينه ..

- افتح صورة الثعبان ..اعكس اتجاهها مثل مافي هالصوره :



- انسخهـــا .. وتعال في مكان مناسب فوق الدخان والصقها
ثم ابدا امسح منها .. وصغر الممحاة وكبرها حسب حاجتك

* طبعا في المسح من الثعبان .. استخدموا الممحاة الحاده وليست الضبابية .. حتى تكون حدود الثعبان قويه وباينه
مو مشطـــوف منها او من طرفهــا .. اما في أسفل الثعبان عند التقاء اسفل الثعبان مع الدخان استخدموا الممحاة الضبابية رقم 200


وهذي النتيجة النهائية ..



وهذي النتيجة النهائية بعد فتح طبقة جديدة ..
وتلوينها بالكامل .. بلون رقم ba8623 اللي هو قريب من البرتقالي الغامق
تقريبا .. وتغيير صيغة هالطبقة إلى Soft Light