الماكياج الثلجي

من طرف **نونا12** الخميس مايو 10, 2012 3:33 am

جبت لكم اليوم المكياج الثلجي .. طريقه الرسم بالتفصيل ..
وإن شاءالله تطلع معاكم تمام .. المكياج كلوو يبغالو خفه يد وثقه وأنتي تمشي فيه على طول ..
هذه الرسمه سهله مررره أبدي بالأساسيات وإن شاءالله يمشي معاك زي ماقلت المكياج يبغالو خفه يد حاولي تركزي من
غير ماترتجف يدك .. ومره على مررره راح يطلع منك شي حلووو ..
المكياج الثلجي

بعد ماحضرنا الوجه جيدا بكريم الأساس والكونسيلر(خافي عيوب) نضع إضاءه باللون الأبيض اللامع على عظمه الحاجب

بعدها نضع اللون الأبيض اللامع على كامل الجفن المتحرك بهذا الشكل :::

دحين صارت عندنا العين جاهزه الأبيض تحت الحاجب ... وعلى جفن العين ..

الخطوه التانيه ... ::::

نرسم خط بالشدو الفيروزي إبتداء من زاوية العين الخارجيه الى منتصف الخط الفاصل بين الجفن المتحرك والثابت بهذا الشكل :::

لاحظو ياحلوات إن الخط لونه خفيف لا تشوفينه خفيف وتروحي تثقلي أتركيه زي اللي بالصوره تماماً ..

بعدين ندمج الشدو الفيروزي مع الشدو الأزرق على الجفن الثابت بهذا الشكل :::

كدا غمق اللون معانا شويا .. يكفي ..

نرسم خط متوسط العرض بالكحل السائل على الخط الفاصل بين الرموش والجفن المتحرك ونرسم داخل العين بالكامل بقلم كحل بهذا الشكل

ياقمرات اللي ماتعرف تستخدم الآلاينر الفرشه الطويله وتلخبط وتحوس معاها
في آلاينر يجيكي بشكل صغير .. وعلى قد اليد وتقدري تتحكمي فيه واللي برضوا ماتعرف
في طريقه تانيه .. تجيبي فنجان فيه مويه وتجيبي فرشه نحيفه مرررره حلوو
وتحطي الفرشه بالمويه وتحطيها بالشدو الأسود كأنها علبه ألوان مائيه .. وتحاولي تغمقي مرررره مرررره
وتبدأي بالرسم .. وإن شاءالله ينفع معاكي ..

بعدين نرسم ايضا خط من الكحل السائل اسفل العين بهذا الشكل

ومن تحت نفس اللي فوق اللي ماتعرف تستخدم الطرق اللي ذكرتها ..

بعدها نضع القليل من الشدو الأزرق الغامق على زاوية العين الخارجيه بهذا الشكل

لاحظي بس من الزوايه أنتبهي يدك لاتدخل على جوا .. شي بسيط من الزوايا ..

بعدين ندمج الشدو الازرق الغامق على الجفن الثابت بهذا الشكل

تبدأي تدمجي الأولوان مع بعض بخفه وبسرعه لاتخافي ماراح يتلخبط شي ..

بعدها نضع بشكل زاويه حاده الكحل السائل من زاوية العين الخارجيه الى منتصف الجفن الثابت بهذا الشكل

بعدين ندمج الكحل مع الشدو الكحلي على الجفن الثابت بهذا الشكل

نفس الطريقه تدمجي بخفه وبسرعه ..

بعدها ندمج الكحل اسفل العين مع الشدو الكحلي من زاوية العين الخارجيه الى منتصف اسفل العين بهذا الشكل

بفرشه نحيفه مررره تبدأي الدمج إذا تحبي يكون نازل لتحت مرره نزلي يدك وإذا تحبي بس على مستوى العين
أدمجي من تحت الأسود على طول ..

بعدين ندمج الشدو الازرق ابتداء من منتصف اسفل العين الى بداية العين بهذا الشكل

برضوا بفرشه نحيفه مرررره تدمجي إذا ماتحبي مكياجك نازل تحت عينك زي ماقلت تحت الخط الأسود على طول

بعدها نضع القليل من الإضاءه البراقه على بداية العين بشكل قوس اسفل واعلى بهذا الشكل

إذا أنتِ من النوع اللي يحب الإضاءه كثيره على وجهك حطي بزوايه العين
وإذا ماتحبي ممكن تستغني عنها ..

بعدين نكثف بالماسكارا بهذا الشكل

المكياج كلوو مايبين إلا بعد وضع المسكارا .. وحسب نوع المسكارا
إذا كانت جيده راح تبرم رموشك على طول ..

بعدها نغمق الحواجب بإستخدام اللون الاسود بهذا الشكل

طبعاً حسب بشرتك واللون اللي تحبيه ممكن أسود ممكن بني ..

بعدين نكمل باقي مكياج الوجه بنحت الأنف لتصغيره بإستخدام شدو اغمق بثلاث درجات من لون الكريم الاساس على جنبي الأنف بهذا الشكل

هذه الطريقه راح توقف أنفك وتخليه زي السيف ..

بعدها نضع إضاءه باللون اللؤلؤي المذهب على عظمة الأنف من اسفل الى اعلى بهذا الشكل

بعدين نضع البلاشر اللحمي على الخدين إبتداء من عضمة الخد الخارجيه الى منتصف الخد بحركه دائريه وايضا على الجبين والذقن بهذا الشكل

وممكن تضعي البلاشر وأنتي مبتسمه وتخلي إتجاه يدك جهه الأذن ..

وبس ..

ان شاءالله ان الدرس يكون واضح ومفهوم ومبسط بالشرح
وكل وحده تفنن في دمج الالوان المتناسقه

الموضوع ملتووش بس الشرح الوافي من عندي أنا ..

وأي سؤال زي ماقلت أنا حاضره ..

وإن شاءالله يعجبكم ..

المكياج كلو كأنك ترسمي لوحه فنيه ..

تحيتي ..