مهم لكل عروس متوهقة بشيل المناطق الحساسة

من طرف **hayemfr** الثلاثاء فبراير 05, 2013 12:13 pm

مهم لكل عروس متوهقة بشيل المناطق الحساسة

هذا موضوع خاص للعرايس خاصة وللبنات عامة:-

حبيت أشرح فية طريقة إزالة الشعر من (....) الي يعتبرها البعض منكم كابوس صعب

خاصة العرايس يشيلون هم الشيل بالحلاوة (كيف بنشلية.. يألم .. يتعب.. ياخذ وقت..طيب من بيشلية لنا.. صعبة نخلي وحدة شيالة تشيلة..حرام .. عيب .ياربييييية خلاص بحلقة ..شلون احلقة طيب بينبت بسرعة وبيطلع خشن. فشيلة!!!!) والكثير من التساؤولات؟؟؟؟؟؟؟

انا اقولكم الحل ترى الإزالة بالحلاوة سهلة وماتتعب ولا تألم كثير ولا تاخذ وقت المهم الإستعداد وعدم الخوف من هالشي . ولازم يابنات تتعودن تشيليون لآنفسكم من اللحين قبل الزواج علشان يدينكم تاخذ على هالشي ويصير سهل.. ولا تلجأون لآحد يشيل لكم ويشوف عورتكم..

قلت لكم أهم شي تتعودون وبعد كذا يصير سهل مرة..

أول خطوة لهذا الشي لازم الشعر مايكون طويل ولا كثيييير مرة يعني يكون قصير مقصوص ومخفف بمقص او يكون محلوق قبل كم اسبوع مايقل على 3 اسابيع يكون اخذ وقتة في النمو وصار سهل الإزالة ..
تعرفون ليش لازم يكون قصير ومو كثيف؟؟ علشان ما يألم بالشيل

ثاني شيء النظافة لازم المنطقة تكون مغسولة ونظيفة علشان البكتيريا ماتنتشر في المكان وتسبب حبوب.. واليدين لازم تكون مغسولة ونظيفة علشان ماتنقل الجراثيم للمنطقة..

نحتاج علشان تتم عملية النتف بنظافة وإتقان لـــ

1-الحلاوة تكون من النوع الجيد وأنا أرشح لكم حلاوة ممتازة مرررررررة تباع بالصيدليات والسوبرماركت إسمها (زهرة سويت مصنوعة من العسل ) هذي تجي بكرتون وفية 4 أكياس حلاوة مغلفة وسهلة الاستخدام حتى ماتحتاج تسخين .

2-سكر مخلوط مع موية بس السكر اكثر من الموية يذوب في الموية (يدهن على المنطقة لآنه بعد مايجف ونبدأ نشيل بالحلاوة بيتلصق بالشعرات والجلد الميت ويشيله مع الحلاوة)

3-ملقط للمسات النهائية او آلة براون(أنا أرشح الملقط لآنه اسهل من المكينة) علشان نشيل الشعيرات المتناثرة والي الحلاوة ماقدرت تشيلها .

4-نشاء ذرة+ليمون+ماء ورد .

5-مراية علشان تقدرون تشوفون المنطقة وتشيلون كل الأماكن.

6- كريم فيسودين الي بخط أحمر.)موجود بالصيدليات

طريقة النزع:-
أولا ندهن خليط السكر والموية ونتركة ينشف وبعد كذا

ناخذ كيس الحلاوة ونسخن الحلاوة بحرارة اليد ونمدها لحد ما تصير مرنة وسهلة الاستخدام.. نأخذ قطعة صغيرة من الحلاوة قد العلكة(اللبانة) ونبدأ أول شي بخط البيكيني (أطراف الـ.. ) بعد ماننتهي منه . نبدأ النتف من الأسفل للأعلى حتى .. ولا تنسون كل زاوية في ... حتى من الخلف .. المراية بتاسعدكم ..

بعد ماننتهي من النزع نمسح المنطقة بمناديل فيها زيت اطفال او مناديل ديتول المطهرة .. ونجيب الملقط وننزع الشعيرات القصيرة.. بعد كذا نجيب خليط النشاء والليمون وماء الورد .. وندهن المنطقة فية حتى يجف وبعدين نشطف المكان ونحط مرهم فيسودين ..
شوفوا كيف المنطقة بتصير ناااااااعمة زي الأطفال

ملاحظة استمروا بدهن المنطقة بمرهم فيسودين كل يوم لمدة ماتقل عن 4 ايام لضمان عدم التهاب المنطقة وظهور الحبوب والدمامل

نصيحة أخيرة لازم تشيليون الشعر قبل الزفاف بمدة لاتقل عن 3 او 4 ايام مع الاستمرار في دهن مرهم فيسودين

منقول للفائده

لـ حفظ الموضوع والإستفاده منه إستخدمى هذا الرابط :
مهم لكل عروس متوهقة بشيل المناطق الحساسة
https://d3marab.7olm.org/f20-montadat26755.html

من طرف **alfahloy** السبت أغسطس 03, 2013 1:40 am

مهم لكل عروس متوهقة بشيل المناطق الحساسة 2G5t10

تسلم على الموضوع المميز
جزاك الله خير الجزاء
كل الشكر والتقدير
في انتظار جديدك بكل شوق
لك مني ارق تحيه
مهم لكل عروس متوهقة بشيل المناطق الحساسة 1168709854

مهم لكل عروس متوهقة بشيل المناطق الحساسة 1168709854

مهم لكل عروس متوهقة بشيل المناطق الحساسة W0Mn8

مهم لكل عروس متوهقة بشيل المناطق الحساسة

مهم لكل عروس متوهقة بشيل المناطق الحساسة

رد: مهم لكل عروس متوهقة بشيل المناطق الحساسة